المكان حلو جدداااا جداااا ومفيد للأطفال وشيق. حضرنا عرض الحياه علي كوكب المريخ في مركز العلوم. المرشدة اسمها"اسماء" اسلوبها بسيط وجميل جدا وفي تفاعل مع الأطفال بشكل شيق. المكان عبارة عن حديقة كبيرة جدااااا ونظيفة وفيها منطقة العاب للأطفال. متاح الجلوس واللعب فيها من ٩ ص ل ٩ او ١٠ م. المتحف ومركز العلوم متاحين من ٩ ص ل ٢ م المتحف بيتكلم عن الزراعة والري والفراعنة ومركز العلوم عن المرة الارضية والحياه في كوكب المريخ وفي كمان عرض ل مدة ٢٠ دقيقة عن النجوم والكواكب اعتقد وفي انشطة يومية متغيرة علي حسب المتاح اليوم كان في تلوين فخار ب ٥٠ جنيه النشاط كان اكتر من مجرد تلوين.. المستر اتكلم معاهم عن نوع الفخار وكيفيه تشكيله واتكلم معاهم عن الألوان وعملوا تجربة دمج لونين مع بعض عشان يطلعوا بون تالت .. الاولاد استمتعوا جدا كل عرض ليه تذكرته المكان فيه كافيتريا بتقدم مشروبات ساخنة وسناكس وفي مطعم وجبات سريعة وفي حمامات السنة اللي فاتت حضرنا جولة الزراعة والري والفراعنة كانت وهمية وممتعة جدااااا. المرشد السياحي كان اسمه ا/ وليد .. اسلوبه اكتر من رائع. مكان رائع ومنظم

جميل الحديقه مكان جميل عرايس كثير بيصوروا في عملنا في عيد ميلاد

مركز الطفل للحضارة والإبداع .. أنا ماكنتش متخيل إن فيه حاجة كده فى مصر .. مكان فعلا رااائع يستحق الزيارة .. المكان موجود فى مصر الجديدة .. فيه مكان ألعاب للأطفال .. بس الاهم ان الاطفال بيعملوا فيها أنشطه .. فيه دور عن الحضاره المصرية القديمه ودور عن النيل والزراعه فى مصر .. كل دور منهم الطفل بياخد فيه جوله فى خلالها بيتعرض ڤيديوهات تعريفيه معموله بشكل مشوق جدا .. وكمان الاطفال يبتدوا يعملوا كل حاجة بايديهم دة حتى بيتعلموا التحنيط ويبتدوا يعملوه بنفسهم 😁😁 وبيكون معاك مرشد طبعا يعرفك كل حاجه ويتكلم مع الاطفال ويشرحلهم .. المتحف بيكون مفتوح من الساعه ٩ لغاية الساعه ٢ بعد لما بتخلص جولتك فى المتحف مسموح تقعد فى منطقة الألعاب والجنينه لغاية الساعه ٧ مساءا .. سعر التذكرة الدخول ب ٣٥ جنيه للحديقه فقط الدخول ب ١١٥ للحديقة والمتحف وزيارة الدورين بالكامل مكان يستحق الزيارة .. جربوه .. العنوان .... شارع ابو بكر الصديق من ميدان سفير إتجاه التجنيد جسر السويس أو العكس -مصر الجديدة

المكان جميل جدا و منظم ولطيف لخروجه حلوه مع الاطفال ومليان افكار كتير حلوه و نباتات و اماكن كتير لتصوير الاطفال الشي الوحيد الي ممكن يدايق وفي وقت معين فقط ، كمية سيشن التصوير للزفاف او الخطوبه ، لكن بعيد عن كده ، هتقضي فيه يوم لطيف جداا

كان لنا شرف زيارة المكان من خلال مؤسسة دار نهضة مصر و شركة الكرنك للسياحة التابعة لشركة مصر للطيران وكانت الزيارة أكثر من رائعة و الأطفال اعجبوا جدا بالمكان واقسامه من متحف الطفل و العلوم . جزيل التحية ل مؤسسة دار نهضة مصر و ايضا جزيل الشكر و التقدير والاحترام للأستاذ مصطفى عبدالشافي و لشركة الكرنك على اليوم الرائع.