مساء الخير انا محتاجه اعرف هو ينفع أن طفل في الانترفيو يكون من ضمن الحاضرين فيه استاذ او دكتور موجود أثناء المقابله بيوجه كلام صعب جدا للام و يبتدئ يقول للام أمام الطفل أنه عنده توحد و مش بيتكلم و روحي اعرضيه علي دكتور نفساني و و يبتدئ يوجه كلام صعب و سخيف ميخرجش من واحد تربوي و في الوقت ده الاستاذه الي موجودين معاها يبتدوا يلطفوا الدنيا مع الام و الولد لادراكهم سخافه الاستاذ الي موجود و الي مراعاش شعور الطفل أنه بيتكسف و خجول و أن المفروض يتاعملوا مع الطفل بشكل اهدا .. الأمر الي وصل الاستاذ ده أنه يقولها تروح لدكتور نفساني واللاسف الام ثقتها اتهزت ف الطفل و وعرضته علي الدكتور الأمر الي خلاها تقولها اعمليله اختبار ذكاء... لا و لما الام ذكرت سبب اخبار الذكاء ف المركز وضحتهالها اسم المدرسه و الي بعدها الاخصائيه قالت اه المدرسه دي بتطلب اختبارات ذكاء .. معنديش مشكله في الانترفيو و االاسلوب التربوي الي المفروض يتبع ... لكن المدرسه دي مؤخرا عرفت أولياء أمور كتيير جدا بيشتكوا نفس الشكوي و الأمهات بيتاثروا جدا بكلام الاستاذ (ع) و الي لما بيتعاد المقابله توصل للاستاذ أنه يقول للطفل انت تاني طيب انا مش هقبلك في المدرسه..

مدرسة عشوائية فى منطقة سكنية تستخدم مكبرات الصوت المسرحية تسمع على بعد كيلومتر طوال اليوم و تسبب ازعاج رهيب متواصل جعل مستوى الحياة بجوارها متدنى و يائس جدا.. عذاب يومى متواصل دون رقيب او مجيب

I was in the school from year 2017 to 2020. The school is not good. I was a IGCSE student فيه موقف حصل فى نتيجة يونيو ٢٠١٩ إن مادة الأدب الانجليزى كل الطلبة إلى امتحنوا أكتر من ٤٥ طالب نقصوا ٢٢ درجة. إلى حصلنا ده بسبب إنه كان فيه سوء إدارة من المدرسة. النقص ده تم إزاى.. إنه فيه مقال الطالب بيكتبه مطلوب يتقدم لedexcel بيشرف عليه المدرس و بيصححه، فيه خطوة مهمة هنا بتم و هيا إن المدرس لازم يدى تقييم عادل لا ينقص ولا يزود و بالفعل المدرس كان بيشرف علينا كويس جدا و كان متابعنا بس كان فيه مجموعة طلبة (تقريبا٢٠) طالب مسلموش المقال للمدرس و سلموه لحد مسؤول فى الادارة، إلى حصل إنه edexcel لقوا درجات مجموعة الطلبة مش متقيمة من المدرس صح و كانت زايدة ٢٠ درجة. فا نقصوا الدفعة كلها ٢٢ درجة . ده بسبب سوء إدارة. كان لازم الإدارة تتصرف مع الموضوع بجدية و يسلموا الورق للمدرس عشان يدى التقييم الصح. لكن إلى حصل ده عدم مسؤولية. برضه أنا خدت مادة محاسبة و اشتكينا المدرسة و بلغنا المدرسة بحجات، رغم إننا دافعين ٧٥٠٠ج لكن المدرسة بطبيعتها لا تهتم بشكوتنا و إلى حصل إن المدرسة قصرت معانا أكتر من الأول و معملتش أى مجهود معانا. و قالت قبل الإمتحان بإسبوعين أنا مش هدرسلكوا و اتواصلوا معايا واتس. فا الموضوع كله كان متروك علينا إحنا و المدرسة متحملتش أى مسؤولية. كانت أزمة بالنسبالنا اننا نتعامل معاها لوحدنا. كان إمتحان نوفمبر ٢٠١٨ برضه أحب أقول إن مادة الأحياء كان فيه مدرس غير جيد بالمرة درسلنا أحياء كامبردج و كان بيحل قليل و بيشرح المحاضرة فى نص ساعة. و فيه أفكار أسئلة مدربناش عليها نهائى. امتحنا فى يونيو ٢٠١٨

مدارس على أعلى مستوى في التأهيل العلمي والاجتماعي للطلبة. ورعاية الطالب والاهتمام بيه صحيآ وبدنيآ واجتماعيا. مدارس بور سعيد ليست مجرد مدرسة. فهي تبني فكر الطلبة وتنميه وتنمي مهاراتهم الرياضية والفنية وتدعمهم في الابتكارات الهندسية والاختراعات.

من أسواء المدارس الي قدمت فيها لبنتي علي الاطلاق اسلوب سيء جداااا في التعامل.