قعدة رايقه على النيل مثلا مع أكله تمام في مكان 5 نجوم و من غير ما تدفع كتير المكان : Armada Boat انت هتروح المكان تقعد على اجمل فيو للنيل وتنسى نفسك خالص مع الموسيقى و الاغاني الي شغاله و الجو الجميل ده حاجه ترد الروح و بما ان مفيش منيمم فأنت ممكن تقعد تشرب كوبايه الشاي مثلا وتحاسب عليها بس بس طبعا احنا لازم نجرب الاكل بتاعهم وقد كان خدنا شوايه جاتلنا بتدخن و فيها كباب وكفته وشيش طاووق وعليها فردتين حمام و طاجن ملوخيه مع طاجن لحمه بالبصل حاجه كده زبده وشويه ورق عنب كده وسلطات ورز بالخلطة و عليهم مكرونه نجرسكو ملهاش حل الاكل عاما الكوالتي بتاعته عاليه اوي ومع الفيو الجميل نفسك هتتفتح ع الآخر خلصنا اكل و حلينا و شربنا احلى كبايه شاي بالنعناع في المود ده مع اغاني المطرب الي بيكون موجود هناك وعاملين عروض حلوه اوي يوم الخميس والسبت وجبات ب 100 ج ووجبات ب 130 شامله الخدمه والضريبه وجبات ال 100 انت بتختار نص فرخه مسحب او شيش طاووق او بانيه وبيتقدم معاه رز وبطاطس و نوعين سلطه ما بين (طحينه - بابا غنوج - كول سلو - حمص) و معاهم سبت العيش الفريش الي بيتخبز عندهم وجبات ال 130 نفس الإضافات بس هتختار كفته مشويه او طاجن لحمه بالبصل او حمام محشي المكان بيتعمل فيه حفلات وأعياد ميلاد وعندهم قاعات للأفراح والخطوبات

احنا كنا امبارح في فرع المعادي وكنا 4 أفراد وطلبنا اكل وكان فيه طبقين ميكس جريل مكلناش منهم وطلبنا نخدهم تيك اواي الاقي الاوردر متاخد منه كل طبق متاخد قطعتين منه وكان فيه ورقة لحمة متاخد منهابرضة ميس فتحية

مطعم وكوفي جميل على النيل اسعارهم حلوه لكن يتأخروا في تقديم الطلب

الأكل حلو اوي و القعدة على النيل تحفة

كان يوجد فندق ارمادا ولكنه مغلق ويوجد فيه محلات سهر واضن مطعم